Qitësja shqiptare Manuel Delilaj ka përfunduar garën olimpike edhe në disiplinën e 25 metra pistoletë me precision. Shqiptarja ka zhgënjyer duke u klasifikuar e fundit, pra vendin e 44 me 556 pikë në total.
Ditën e djeshme Delilaj garoi në disiplinën e preçizionit dhe u rendit e parafundit me 280 pikë, ndërsa sot në disiplinën e ‘rapid’, nga ku mori 276 pikë. Në seritë e zhvilluara ditën e sotme ajo grumbulloi 94, 92 dhe 90 pikë.
Në total ajo u rendit e 44-ta me 556 pikë, rezultat që e renditi atë në vend të fundit. Rikujtojmë që pak ditë më parë shqiptarja pati performancë shumë të mirë në prova, por dëmtimi që pësoi në krahun e djathtë e ka penguar që të jetë në formë./Gijotina.com
