Në Maqedoninë e Veriut janë ende aktive disa vatra zjarri, ku më problematik mbetet ai në qytetin e Koçanit.
Nga Qendra për Menaxhimin e Krizave, kanë bërë ditur për disa zjarre më të vogla në disa zona në Shkup, Strumicë, Kumanovë, Ohër, Manastir dhe rajonin e Shtipit. Por, të gjitha këto vatra janë nën kontroll dhe pritet lokalizimi i tyre i plotë gjatë ditës së mërkurë.
Nga zjarri që të martën përfshiu Koçanin dhjetëra persona kërkuan ndihmë mjekësore për shkak të asfiksimit. Flakët shkaktuan dëme të konsiderueshme materiale, djegie të disa makinave dhe dëmtimin e shtëpitë. Sipas Qendrës për Menaxhim me Kriza nga zjarret janë djegur 20 hektar pyje dhe kullosa..
Në mbledhjen e mëngjesit të grupit për vlerësim njëzëri është vlerësuar se nuk ka nevojë për shpalljen e gjendjes së krizës në shtet për shkak të zjarreve që shpërthyen dje.
“Pas një debati të gjatë dhe pas shqyrtimit të gjendjes aktuale me zjarret, njëzëri vendosëm se nuk ka nevojë për shpalljen e gjendjes së krizës, por do të jemi në kryesim të vazhdueshëm dhe nëse puna shkon drejt të keqes, në shpejtësi do të mbajmë seancë në të cilën do të kërkojmë që shpallet gjendje e krizës në një pjesë të territorit të shtetit, aty ku është kapluar nga zjarri”, tha drejtori i Qendrës për Menaxhim, Stojançe Angellov në paraqitjen para mediave që u mbajt sot.
Zaev tha se po ndërhyhet me dy helikopterë të Armatës, ndërkaq pritet që katër helikopter të vijnë si ndihmë nga Serbia derisa vazhdojnë komunikimet me vendet e NATO-s për ndihmë. Pas Serbisë, Bullgarisë dhe Sllovenisë, ndihmë ka ofruar edhe Greqia.
