“Më mashtroi nipin”/ 72-vjeçarja nga Cërriku denoncon të riun: E futi në lojërat e fatit

Në Policinë e Cërrikut ka mbërritur një denoncim nga e moshuara e identifikuar me inicialet B.B 72 vjeç. Mësohet se ajo ka kallëzuar një 22-vjeçar pasi sipas saj ai i kishte përfshirë nipin në veprimtarinë e paligjshme të lojërave të fatit.

I riu i identifikuar me inicialet K.C po procedohet nga ana e Bluve të Cërrikut.

NJOFTIMI I POLICISË:

Specialistët për Hetimin e Krimit të Komisariatit të Policisë Cërrik arrestuan në flagrancë shtetasin K. C., 21 vjeç, banues në Cërrik, pasi ka kallëzuar shtetasi B. B., 72 vjeç, se shtetasi K. C. i ka mashtruar nipin e mitur për ta përfshirë në veprimtari të kundërligjshme të lojërave të fatit.

Vijon puna për verifikimin e plotë të kallëzimit të shtetasit B. B.