Kryetari i Partisë së Lirisë Ilir Meta ka dalë në një konferencë për shtyp ku po diskuton për Amnistinë Fiskale. Ai u shpreh se miratimi i një projektligji të tillë nga ana e qeverisë, do të sillte ligjërimin e parave të fituara nga veprimtaria kriminale.
Ish-presidenti shtoi se kjo politikë ishte iniciativë e kryeministrit Edi Rama për të favorizuar botën e krimit.
“Aministia Fiskale nuk mund të konsiderohet tjetër veçse një kartë për daljen nga burgu për të gjithë shkelësit e mëdhenj të taksave. Nuk kemi ende një administratë tatimore moderne të mirëfinormuara dhe me mjetet e duhura të zbatimit të ligjit. Po ashtu duhet një luftë efektive kundër pastrimit të parave. Dua të theksoj edhe një herë se kjo iniciativë e kryeministrit aktual do të favorizonte botën e krimit duke u dhënë mundësinë që paratë e fituara ndër vite nga veprimtaria kriminale të pushtonin vendin. Do të dekurajoheshin investimet serioze në Shqipëri. Do të kriminalizohej e gjithë ekonomia shqiptare. Do të përsëritej edhe më shumë ekonomia informale. Do minoheshin përpjekjet për të luftuar krimin e organizuar. Do dobësohej efikasiteti i gjithë strukturave që luftojnë kundër pastrimit të parave dhe do të dëmtohej ecuria për integrimin e Shqipërisë në BE. Synon të ligjërojë qindra milionë euro evazion me bekimin e qeverisë aktuale. Deri më tani raportohen 180 milionë euro si evazion fiskal, ndërkohë janë shumë të tjera të cilat do të konfirmohen në të ardhmen”, tha Meta ndër të tjera.
Discussion about this post