Merr flakë kamioni në rrugën Lushnjë –Rrogozhinë

Një kamion ka marrë flakë në ecje, duke u shkrumbuar.

Mësohet se kamioni ka qenë duke ecur në aksin Lushnjë-Rrogozhinë.

Shoferi ka vërejtur se kamioni nuk po ecte normalisht, teksa më pas pa edhe zjarrin që kishte përfshirë kamionin.

Drejtuesi i mjetit menjëherë ka dalë nga kamioni, duke mos pësuar lëndime.

Flakët kanë krijuar panik tek të pranishmit, ndërsa shumë pranë ndodhej edhe një pikë karburanti.

Sakaq, menjëherë në vendngjarje kanë ardhur zjarrfikësit e Lushnjës, Divjakës, dhe Rrogozhinës. Ata kanë shuar flakët e kamionit.

Paraprakisht dyshohet se shkak për zjarrin është bërë një problem në linjën elektrike të mjetit.