Milan ka arritur mbrëmjen e javës së nëntë të Serie A një fitore mjaft të vuajtur, ku edhe pse kishte përballë Bolonjën me nëntë lojtarë, sërisht duhet të kalonin minutat e fundit për të fituar avantazhin.
Seria e golave u hap nga Leao në minutën e nëntë, dhe gjithçka dyfishohet po brenda pjesës së parë me Calabria, ndërsa zhvillimi i vetëm nga kampi kundërshtar ishte dënimi me karton të kuq i Soumaoro, duke e lënë Bolonjën një lojtar më pak.
Me fillimin e pjesës së dytë, Bologna kthehet në lojë. Zlatan Ibrahimovic gjeti rrjetën, por jo të duhurën, pasi në tentim për ta larguar një top me kokë, ai e qëlloi portën e tij për 2-1 në minutën e 49-të.
Vetëm tre minuta më pas Musa Barrow shënoi për 2-2, duke ngritur në këmbë tifozët në “Renato Dall’Ara”, por vendasit mbetën me nëntë lojtarë në fushë, pasi edhe Roberto Soriano u ndëshkua direkt me karton të kuq.
Në minutën e 84-të, Milan rikthen epërsinë, me Ismael Bennacer që i dërgon shifrat në 3-2.
Në minutën e fundit të kohës së rregullt Ibrahimovic vendosi rezultatin përfundimtar të ndeshjes, duke shënuar për 4-2.
Falë kësaj fitore, tashmë Milan ngjitet në kreun e tabelës së Serie A, me 25 pikë, i ndjekur nga Napoli me vetëm një pikë më pak.
