Milani derbi me Interin për Asllanin, në Itali zbulojnë formulën e kuqezinjve

Kristjan Asllani është një nga të rinjtë më të spikatur në Serie A. Mesfushori ka debutuar këtë sezon në kampionatin italian me fanellën e Empolit.

Për shërbimet e tij interesohen disa klube, mes tyre Interi dhe Milani. Kuqezinjtë kanë menduar ta blejnë Asllanin dhe ta lënë një vit hua tek Empoli.

Skenari tjetër është ai i përfshirjes së një lojtari në marrëveshje. Kryesuesit e Serie A ofrojnë sulmuesin Lorenzo Colombo.

Empoli do një zëvendësues për Pinamontin, i cili pritet të kthehet tek Interi që e ka nën kontratë sulmuesin.