Presidenti Ilir Meta ka pritur në Presidencë Kryetarin e Shoqatës së Miqësisë Austri-Shqipëri, ambasadorin Arno Riedel dhe përfaqësues të tjerë të saj.
Përmes një postimi në Facebook, Meta shkruan se vlerëson marrëdhëniet e shkëlqyera dhe miqësinë e fortë mes dy vendeve, si dhe mbështetjen e vazhdueshme të Austrisë në proceset e integrimit të Shqipërisë në Bashkimin Europian.
Në mënyrë të veçantë, Meta falënderoi ambasadorin Riedel dhe Shoqatën Austri-Shqipëri për përkushtimin e treguar në ndihmë të familjeve të varfra të Veriut të Shqipërisë, si dhe për të shkolluar fëmijët e tyre në shkollën austriake profesionale “Peter Mahringer” në Shkodër.
Më herët, Meta priti në takim Sekretaren e Përgjithshme të organizatës “Europa Nostra”, Sneska Quaedvlieg Mihailovic, të cilën e falënderoi për angazhimin që “Europa Nostra” ka treguar ndaj promovimit dhe ruajtjes së trashëgimisë kulturore të Shqipërisë, në veçanti për mbrojtjen e kompleksit të godinave të Teatrit Kombëtar.
