Mjeku Ilir Alimehmeti ka publikuar disa të dhëna të reja në lidhje me variantin e ri të koronavirusit, Omicron, teksa ka publikuar disa grafike, që sipas tij tregojnë se Omicron është qartësisht më pak riskues se variantet e tjera.
“Fshati që duket nuk do kallauz” Cit.: Populli. Omicron është qartësisht më pak riskues se variantet e tjera! Në grafikë shihet qartë që vala e fundit (omicron) nuk po shoqërohet paralelisht me nivel proporcional të vdekjeve, siç shihet në valët e tjera. Në grafikë mund të shihni. Afrikën e Jugut, ku vala omicron është në rënie. Britaninë e Madhe, ku rastet janë në rekorde historike (190.000 raste/ditë), por VDEKJET PO BIEN! SHBA, e njëjta situatë si në Britani, por pak më prapa në kurbën epidemiologjike. Itali, rastet në qiell, vdekjet shumë lehtësisht të rritura por të pakrahasueshme me valët e tjera”, shkruan ai.
Ai shprehet se vala e fundit nuk po shoqërohet paralelisht me nivel proporcional të vdekjeve, siç shihet në valët e tjera. Sipas mjekut, Omicronit i duhen edhe 2-3 javë ta largojë Deltën nga popullata. Kujdes: Ende shumë raste në spital janë ende Delta. Omicronit i duhen edhe 2-3 javë ta largojë Deltën nga popullata në këto shtete dhe spitalet pa Delta do të jenë rreth fundit të janarit”, thekson ai.
Discussion about this post