Moti i keq me reshje të mëdha shiu nuk ka sjellë probleme për qarkun e Gjirokastrës. Deri tani situata është e qetë, të gjitha rrugët janë të kalueshme dhe nuk ka probleme me energjinë elektrike në asnjë njësi.
“Rrugët në të gjitha njësitë administrative janë të kalueshme pa probleme.
Lumi Drino dhe Lumi i Kardhiqit janë në nivelin e shtratit.
Përroi i Çullos po mbahet në monitorim dhe deri tani nuk paraqet asnjë problematikë.
Prita te përroi i Ficos dhe prita te përroi i Granicës janë pa probleme. Deri më tani nuk ka probleme me energjinë elektrike në asnjë njësi. Situata në bashkitë Përmet dhe Këlcyrë është e qetë.
Lumi Vjosa dhe përrenjtë kryesorë janë brenda shtratit të tyre me prurje minimale. Probleme në komunitet dhe infrastrukturë nuk ka pasur” – thuhet në njoftimin zyrtar për qarkun e Gjirokastrës.
Discussion about this post