Nga Italia konfirmojnë me siguri absolute se pas shkarkimit të Mourinho nga Roma, agjenti i tij tepër i fuqishëm, Jorge Mendes, nuk ka humbur aspak kohë dhe ka nisur kontaktet e para me presidentin e Napolit, De Laurentiis.
De Laurentiis ndodhet në Riad momentalisht dhe vëmendjen e ka te përforcimi i skuadrës së tij me lojtarë të rinj, por gjithashtu është i hapur edhe për të biseduar me ndonjë trajner të ri, pasi Mazzari nuk po bind.
Megjithatë, mund të mendohet që paga e Mourinhos, 7 milionë euro plus bonuse në vit, është një pengesë për parametrat financiare të Napolit. Thuhet se një përpjekje të tillë financiare, De Laurentiis do ta bënte vetëm për Antonio Conte.
Discussion about this post