Pas fitores në Champions League kundër Eintracht Frankfurt, Napoli rikthehet në kampionat me impenjimin si mysafir ndaj Empolit. Trajneri i të kaltërve Luciano Spalletti e mban ekipin e tij vigjilent:
“Është një ndeshje shumë delikate për shkak të gjeometrisë së tyre të saktë taktike. Ata dinë të luajnë shumë mirë në fushë dhe kanë lojtarë të fortë si Vicario, Parisi, Baldanzi. Janë lojtarë që do t’i gjejmë vitin e ardhshëm në skuadrat e mëdha të konkurrojnë për objektiva madhorë dhe që tani ata dinë si të sillen në fushë”, deklaroi Spalletti.
Në lidhje me euforinë dhe përmendjen e fjalës tabu (Scudetto) ai shtoi:
“Nuk është skaramanci, ne duam të fitojmë për qytetin tonë, e ndjejmë, e perceptojmë. Nuk duhet të bëjmë as gabimin më të vogël. Euforia nuk duhet të çojë në mendjemadhësi se përndryshe është shumë keq”.
Për sa i përket turnoverit, tekniku u shpreh se ditën pas ndeshjes në Europë, lojtarëve i dha leje për pushim të plotë duke bërë të mendohet se ka për të rreshtuar formacionin më të mirë.
Discussion about this post