Fatkeqësisht ka ndërruar jetë në moshën 82-vjeçare sipërmarrësi i teknologjisë John Warnock, bashkëthemelues i Adobe Inc. Shkaku i vdekjes së tij nuk dihet.
“Është një ditë e trishtuar për komunitetin e Adobe dhe industrinë për të cilën ai ka qenë një frymëzim për dekada të tëra”,-tha CEO i Adobe, Shantanu Narayen në një email dërguar punonjësve.
Warnock bashkëthemeloi Adobe në 1982 me Charles Geschke. Ai hoqi dorë nga posti i CEO-s në vitin 2000 dhe ishte kryetar i bordit, një pozicion që e ndau me Geschke, deri në vitin 2017.
Dyshja u takuan fillimisht si kolegë në Xerox Holdings Corp. Produkti i tyre i parë ishte PostScript, i cili ndihmoi në revolucionin e botimeve në desktop.
Para themelimit të Adobe, Warnock ishte një shkencëtar në Qendrën Kërkimore Xerox Palo Alto dhe mbante pozicione në Evans & Sutherland Computer, Computer Sciences Corp., IBM dhe Universitetin e Utah.
Warnock kishte një doktoraturë në inxhinieri elektrike, një master në matematikë dhe një bachelor në matematikë dhe filozofi, të kryera në Universitetin e Utah.
Discussion about this post