Vangjel Dule ka akuzuar partitë e mëdha se kanë penalizuar kandidimin e forcave të vogla politike. Kreu i PBDNJ ka trajtuar çështjen e koalicioneve zgjedhore, të cilat sipas tij janë ndryshuar dy herë. Fillimisht në vitin 2008 ku në pushtet ishte e djathta, ranë në konsensus me socialistët për të ndryshuar sistemin zgjedhor. Më tej ai përmend dhe vitin e shkuar, ku në mënyrë të njëanshme Rama ndërhyri në Kushtetutë për ndryshimin e formës së koalicionit.
Të dyja këto ndërhyrje, Dule i ka cilësuar si një penalizim ndaj partive të vogla. Kjo funksionon në dëm të këtyre forcave dhe në dëm të vetë demokracisë.
Në vitin 2008 u ndryshua Kushtetuta nga PS dhe PD. Pas asaj vjen edhe vendimi i njëanshëm i Ramës për formën e koalicioneve. Të gjithë këto ngushtojnë dhe paralizojnë kandidimin autonom të forcave politike. Kjo gjë është në dëm të këtyre forcave, por edhe në dëm të Shqipërisë. Ne gjithmonë kemi vuajtur nga qeveri të forta dhe të pakundërshtueshme”, u shpreh Dule.
Sipas tij qeveritë i kanë dhënë forcë të jashtëzakonshme personit që drejton vendin, si në kohën e PD dhe në qeverisjen aktuale nga PS.
Discussion about this post