Esin Hakaj ka dalë sot në konferencë në krah të trajnerit Thomas Brdariç në prag të ndeshjes së Vllaznisë me Partizanin më javën e 12 të Superligës.
Ky takim do të zhvillohet të mërkurën në orën 16:45 në ‘Loro Boriçi’, ndërsa për Hakaj kjo është një ndeshje shumë e veçantë , pasi përballet me ish ekipin e tij.
“Normalisht kam kaluar 3 vite, pavarësisht se ka pas momente që nuk kam qenë lojtar formacioni, por tre vite janë shumë dhe patjetër që ka emocion. Tani jam rikthyer në qytetin tim dhe normalisht që dua të fitojë çdo gjë me qytetin tim.”-tha ai.
Më tej shkodrani ka shtuar se pavarësisht ecurisë jo shumë të pëlqyer, Vllaznia është pretendente për titullin.
“Vllaznia ka ekip të mirë, pavarësisht që në disa ndeshje kemi lënë disa pikë, por sërish besoj se kemi arritur shumë dhe kemi për të ecur shumë më përpara. Nuk mund të them se nuk i duhet futbollit dhe duhet shumë fat, por me ekipin që kemi besoj që jemi pretendentë.”-theksoi ai./K.T/Gijotina.com
Discussion about this post