Nga data 27 dhjetor të gjithë njujorkezët duhet të vaksinohen nëse duan të shkojnë në punë. Kjo është deklarata e bujshme e kryebashkiakut Bill de Blasio, e cila pritet të shkaktojë reagim te qytetarët dhe aktivistët për të drejtat e njeriut. “Sektori publik prej disa kohësh ka marrë urdhër të vaksinojë punonjësit, por tashmë kjo gjë do të shtrihet dhe në sektorin privat”, tha De Blasio në një intervistë televizive.
Më tej, kryebashkiaku De Blasio sqaron se kjo masë vjen si pasojë e parashikimeve të ekspertëve, të cilët presin një shtim të infektimeve me koronavirus për shkak të festave të fundvitit dhe të variantit të ri, i cili nga sa raportohet mund të jetë më infektues. “Vaksinat janë e vetmja gjë që mund ta kthejë këtë luftë dhe të bëjë ndryshimi”, përfundoi De Blasio duke shtuar se tashmë Nju Jorku mund të konsiderohet si qyteti i parë që bën të detyrueshëm vaksinimin në sektorin privat.
Discussion about this post