Ngacmoi seksualisht 15-vjeçaren, arrestohet 67-vjeçari në Sarandë

Një 67-vjeçar i identifikuar si Jorgo Shemsho është arrestuar nga policia e Sarandës për veprën penale “Ngacmimi seksual”.

Policia tha se arrestimi në flagrancë i 67-vjeçarit ka ardhur pas njoftimit të një 15-vjeçareje, se në banesën e saj, ky shtetas po e ngacmonte seksualisht.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

Po sot, më herët një 57-vjeçar, i divorcuar, është prangosur nga policia pasi akuzohet se ka abuzuar seksualisht vajzën e tij 24-vjeçare.

57-vjeçari Ramazan Rroko me origjinë nga Lushnja, banonte së bashku me vajzën e tij 24-vjeçare prej 1 muaji në një shtëpi me qira në fshatin Dërmish, Bashkia Finiq.

Kanë qenë banorët e fshatit ata të cilët kanë vënë re veprime të dyshimta dhe kanë raportuar në Polici. Pas fillimit të investigimit nga ana e policisë, 24-vjeçarja ka denoncuar se babai i saj abuzonte vazhdimisht seksualisht ndaj saj.