Futbolli europian nuk po njeh paqe në lidhje me skandalet e shumta që po dalin në dritë këto kohët e fundit. Nga skandali me financat i Juventusit dhe Manchester Cityt deri te “Barçagate”, që ka vënë në dyshim legjitimitetin e Kampionatit Spanjoll të Futbollit.
Duket se edhe në Francë, klubet kanë tentuar fatin duke i hyrë “biznesit të trukimit të ndeshjeve”. Rasti më i fundit vjen nga Ligue 1, më komkretisht ndeshja mes Auxerre dhe Olimpik Lyon.
Takimi përfundoi 2-1. Vendasit fituan tre pikë që mund të jenë vendimtare në luftën për mbijetesë, por kjo përballje e luajtur të premten mbrëma shkaktoi shumë komente në Francë.
Dyshohet se ka fiksim të ndeshjes së lartpërmendur.
Lyon kryesonte në pjesën e parë me golin 0:1 të Dembeles në minutën e 36-të, e më pas në vazhdim në vetëm dy minuta, kthesë e vendasve.
Fillimisht Perrin shënoi nga pika e bardhë për 1:1 në minutën e 51-të, më pas Jubal shënoi në minutën e 53-të për 2:1.
Interesant është fakti se goli i minutës së 53-të ishte edhe i fundit, ndërsa Lyon në pjesën e dytë kishte vetëm një gjuajtje drejt portës së vendasve.
Discussion about this post