Pas batërdisë me Rrugën e Kombit dhe Rrugën e Arbit që u shitën si sukses e janë kthyer në gropë të zezë për buxhetin e shtetit, Autoriteti Rrugor Shqiptar ka hapur aferën në një tjetër drejtim. Evis Berberi nuk po i kursen paratë për zgjerimin e rrugës Elbasan-Qafë Thanë.
Më 5 qershor 2023 është publikuar prokurimi me objekt “Zgjerimi i rrugës Elbasan – Qafe – Thane (Faza II)”. Për këtë tender janë lënë në dispozicion 24 miliardë lekë dhe fituesi do ketë mundësi të vjelë para për 2 vite rresht. Bëhet fjalë për një shumë të majme dhe janë sulur për të fituar të gjithë oligarkët e tenderëve.
Sipas të dhënave, për këtë prokurim janë paraqitur tri oferta. Por, Beberi ka shpallur fitues ofertën e paraqitur nga Bashkimi i operatorëve “4 A-M & ARKONSTUDIO & ELMAZAJ KONSTRUKSION & AGRI CONTRUCTION”, e cila kishte ofertën 24 miliardë lekë, po aq sa vlera e fondit limit. Sipas rekomandimeve të përsëritura të KLSH dhe bë bazë të ligjit për prokurimet, ofertat afër fondit limit cilësohen si keqshfrytëzim i fondeve publike.
Por, sikur theksuam më lart, Berberi po ndjek të njëjtat skema abuzimi si me projekte të tjera kaq të mëdha. Dhe në këtë rast do ta shkelte ligjin që kontrata të firmosej me biznesmenët e paracaktuar. Më konkretisht, dihet tashmë që firma “4 A-M” është nën administrimin e Ardit Metalija, por pronari i vërtetë i saj është oligarku Bashkim Ulaj, i cili gostitet personalisht nga Rama me afera gjigante.
Për të mos rënë në sy se po përvetëson i vetëm, Ulaj ka përfshirë nga pas edhe disa firma të vogla, të cilët presin të marrin interesin e tyre.
Konkretisht, kompania ARKONSTUDIO është në pronësi të Erjon Kërit dhe Krenar Dilë, firma ELMAZAJ KONSTRUKSION drejtohet nga Shkëlqim Elmazaj dhe AGRI CONTRUCTION është në pronësi të Petrit Patushit.
Ky i fundit ka përfituar disa tenderë në vlera të majme nga institucionet shtetërore, pushteti vendor si dhe shëndetësia. Ai është lakuar më parë për tenderë korruptivë të paracaktuara me Erjon Veliajn dhe Ogerta Manastirliun. Siç duket kësaj here është radha e Berberit t’u bëjë dhuratën oligarkëve afër Ramës.
Lexo edhe: Rektori i jep tenderin Bashkim Ulajt dhe “denoncon” Salillarin
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post