Kryeministri Edi Rama foli disa ditë më parë në OKB, por ajo që ka rënë në sy është se në faqen zyrtarë të këtij organizmi është publikuar një video përmbledhëse me liderët botërorë gjatë fjalimeve, por mungon kryeministri Edi Rama.
Në video e publikuar shihen liderët si Trump, Macron, Erdogan, apo edhe ata të rajonit, si Presidenti i Serbise, Aleksander Vuçiç apo ai i Malit të Zi Jakov Milatoviç, por kryeministri Rama jo, edhe pse ishte i pranishem.
Kjo bie në sy pasi Rama ishte pjesë e sesionit të 81-të dhe mbajti fjalimin e tij në Asamblenë e Përgjithshme të OKB-së më 25 shtator.
Në fjalimin e tij Rama foli për inteligjencën artificiale dhe ndikimin e saj mbi demokracinë, sigurinë dhe shoqërinë.
Kreu i qeverise shqiptare paralajmëroi për rreziqet që lidhen me përdorimin e inteligjencës artificiale për manipulimin e opinionit publik dhe proceset demokratike.
Por ai nuk foli asnjë fjalë për Kosovën dhe UÇK-në gjatë fjalimit në OKB.
Discussion about this post