Vëllai i kryeministrit Edi Rama, Olsi Rama ishte këtë të premte në SPAK. Ai tha para mediave se në prokurorinë e posaçme ai ka shkuar për të marrë një përgjigje se ç’po ndodh me kallëzimin e tij kundër Gazment Bardhit.
“Erdha për të marrë një përgjigje për atë kallëzimin për zotin Bardhi, asgjë tjetër”, -tha ai.
Kujtojmë se Gazment Bardhi ka deklaruar dhe ka kërkuar hetim nga SPASK, lidhur me një përfshirje të mundshëm të vëllait të kryeministrit në udhëtimin që disa persona të akuzuar për çështjen “Xibraka”. Pas kallëzimit, të tij, ka qenë Olsi Rama i cili ka bërë një kallëzim kundër Gazment Bardhit.
Sipas asaj që vetë Olsi Rama tha, ai u paraqit në Prokurorinë e Posaçme për të marrë informacione se çfarë është bërë me kallëzimin e tij.
‘Nuk e di se çfarë ka vendosur, SPAK. Kur ta hap do t’ju lajmëroj. E kam bërë kallëzimin sepse e kam konsideruar një manipulim të të gjitha fakteve. Për të dalë e vërteta.
Nuk kam asnjë lidhje. Ju e dini se i kujt është automjeti. Unë i kam marrë automjetin dikujt për të shkuar dhe për të bërë një udhëtim dy dyditor në Selanik, nuk kam lidhje me asnjë nga personat. Vetëm njëri njoh… do të vijë në SPAK kurdo që të jetë nevoja.’- tha Olsi Rama.
Disa javë më parë, Kreu i Grupit Parlamentar në Partinë Demokratike Gazmend Bardhi solli në vëmendje laboratorin e drogës që u zbulua në 2015 në Xibrakë, ku i bëri thirrje SPAK të rihapë hetimet, pasi ishte i përfshirë edhe Olsi Rama.
Kreu i Grupit të PD në deklaratat e tij për çështjen, tha se automjeti me targa AA653DM, është përdorur disa herë, bashkë dhe veçmas nga Olsi Rama, vëllai i kryeministrit dhe anëtarët kryesorë të grupit kriminal të Xibrakës, Genci Xhixha, Ermal Hoxha dhe Gentjan Gjonaj.
Lexo edhe:
Olsi Rama në SPAK, Bardhi: Të sillesh si budalla, strategji e gabuar
I vëllai në SPAK për “Xibrakën, reagon Edi Rama
“Xibraka”, Bardhi i përgjigjet Ramës: Kallëzimi im rihapi çështjen (Dokumenti)
Discussion about this post