Epidemiologu, Fabian Cenko, ka deklaruar ditën e sotme se doza e tretë e vaksinës rrit nivelin e mbrojtjes nga Omicron me 70 përqind. Ndër të tjera, epidemiologu theksoi se rritja e rasteve mund të dyfishohet brenda pak ditësh edhe pse klinikisht, varianti Omicron është më i lehtë sesa Delta.
“Është parë që Omicron me dy dozat jep një mbrojtje e cila në rastin e Modernës dhe Pfizer është rreth 40 përqind, shumë më e ulët se Astrazeneca. Doza e tretë që shoqërohet me një rritje të mbrojtjes artikorpale e çon në 75 përqind. Po flasim për mbrojtjen e formave klinike të sëmundjes. Shpresohet që niveli i mbrojtjes në format spitalore dhe të rënda të jetë më i lartë. Por në format klinike, doza e tretë karshi Omicron çon në një mbrojtje të krahasueshme në krahasim me Deltën”, tha ai.
Më tej, ai shtoi se qarkullimi i Covid-19 në vendin tonë është në një nivel të qëndrueshëm por siç shtoi ai, pritet të ketë një rritje me festat e fundvitit. Prandaj, ai iu bëri thirrje qytetarëve që të shmangin takimet e panevojshme dhe vizitat familjare.
Discussion about this post