Omicron ka rritur rastet e infektimeve në vendin tonë, pro masat anticovid nuk zbatohen plotësisht. Për këtë arsye, ministrja e Shëndetësisë Ogerta Manastirliu ka zhvilluar një takim me drejtuesit e Inspektoriatit Shtetëror Shëndetësor të të gjitha qarqeve në vend, ku ka kërkuar intensifikimin e inspektimeve në terren.
Manastirliu theksoi domosdoshmërinë e kontrolleve për zbatimin e protokolleve anticovid, sidomos në markete, bare dhe restorante. “Me drejtuesit e Inspektoriatit Shtetëror Shëndetësor, kërkova intensifikimin e kontrolleve për zbatimin e protokolleve anti-covid në të gjithë territorin si dhe verifikimin e masave për sigurimin e dokumentit të certifikatave të vaksinimit, certifikatave të shërimit apo testin e antigenit në strukturat e administratës publike dhe njësitë tregtare që ofrojnë shërbime për qytetarët”, shkruan Ministrja Ogerta Manastirliu në Facebook.
Kujtojmë se prej ditësh në vendin tonë është parë një rritje e infektime, megjithatë pjesa më e madhe e kalojnë lehtë në shtëpi dhe fatalitet nuk kanë pësuar ngritje.
Discussion about this post