Xavi Hernandez është emëruar zyrtarisht të premten si trajneri i Barcelonës dhe ai tashmë i ka të qarta idetë për skuadrën që do të drejtojë.
E teksa nuk ka bërë ende 24 orë që nga emërimi në krye të stolit ‘Blaugrana’, ‘SPORT’ raporton se tekniku ka vendosur edhe se kë lojtarë nuk dëshiron të ketë në skuadër.
Mësohet se emri i parë që Xavi kërkon të heqë qafe është Luuk de Jong, i cili u bashkua me Barçën gjatë merkatos së verës. Holandezi u afrua si një huazim, pasi Antoine Griezmann kaloi te klubi i Atletico Madrid.
Duket se ish-lojtari i Newcastle nuk është përshtatur me mënyrën si luan Barcelona dhe tekniku 41-vjeçar nuk e ka aspak qejf.
Deri më tani De Jong ka luajtur ne nëntë ndeshje nga të cilat ka shënuar vetëm një herë, teksa në dy takimet e fundit ka qëndruar në stol./K.T/Gijtona.com
Discussion about this post