Duke nisur nga janari i vitit 2023 gjashtë vendet e Ballkanit Perëndimor, përfshirë dhe Shqipëria, do të marrin një ndihmë prej 1 miliardë eurosh nga Komisioni Europian. Lajmin e mirë e ka dhënë presidentja e këtij institucioni, Ursula Von der Leyen. Nga Berlini, ajo tha se paketa do të ndahet në dy pjesë.
Presidentja e Komisionit Europian, Ursula von der Leyen:
Kriza e peshembullt kërkon veprime e hapa të pashembullt.
Deklaroj se KE do japë një paketë të konsiderueshme mbështetëse për energjinë për Ballkanin Perëndimor 1 miliardë euro në grante me dy pjesë.
Pjesa e parë 500 milionë euro si mbështetje e menjëhershme financiare për 6 vendet e BP, për ti vënë ato në pozitë që në afat shumë të shkurtër të mbështesin familjet e bizneset në nevojë.
Kjo do miratohet në dhjetor e do vihet në janar në dispozicion.
Pjesa e dytë 500 milionë euro në grante do u kushtohet investimeve në infrastrukturën e energjisë, në gaz dhe ndërlidhës të energjisë elektrike pr të pasur një rrjet të përbashkët ndërlidhje në rajon me BE.
Discussion about this post