Pamje të mrekullueshme të delfinëve që ‘luajnë’ dhe shoqërojnë një grup turistësh në det të hapur janë kapur së fundmi në gjirin e Vlorës, duke dhuruar një spektakël natyror të paharrueshëm.
Turistët ndodheshin në një gomone, teksa po eksploronin bregdetin jugor dhe po udhëtonin në drejtim të Gadishullit të Karaburunit, një nga destinacionet më të preferuara të turizmit detar në Shqipëri. Në një moment të veçantë gjatë udhëtimit, një grup delfinësh u shfaq pranë mjetit lundrues, duke lëvizur në mënyrë harmonike përkrah gomones dhe duke bërë “akrobaci” në ujë.
Kjo nuk është hera e parë që delfinët shfaqen në gjirin e Vlorës, një fenomen që gjithnjë e më shpesh po tërheq vëmendjen e turistëve dhe natyralistëve. Dallgët e buta të Jonit, ujërat e pastra dhe të qeta të këtij gjiri duket se krijojnë kushte ideale për shfaqjen e këtyre krijesave inteligjente dhe miqësore.
Discussion about this post