Policia e Kosovës ka njoftuar se pas arrestimit të tetë personave në aksionin e sotëm, kanë vazhduar hetimet intensive drejt identifikimit dhe arrestimit të personave të tjerë që lidhen me kontrabandimin e mallrave.
Përmes një njoftimi, policia ka bërë me dije se janë shpallur në kërkim pesë të dyshuar për kontrabandë me mallra. Ata janë Besim Zeqiri, Halil Sylejmani, Festim Sylejmani, Fikrim Latifi dhe Milan Radisavljevic.
“Hetimet intensive drejt identifikimit të personave të dyshuar të përfshirë në kontrabandë me mallra, janë realizuar nën autorizimin e prokurorisë kompetente, e që kanë rezultuar deri më tani me identifikimin e (5) personave të dyshuar, të cilët janë shpallur në kërkim”, thuhet në njoftim.
