Pas Shqipërisë, Dua Lipa pushon në Greqi

Artistja shqiptare me famë botërore, Dua Lipa javëve të fundit ka shijuar pushimet në jug të Shqipërisë.

Autorja e “Levitating” ka ndarë postime të shumta nga bregdeti shqiptar, ndërsa tani radhës është për një tjetër destinacion.

27-vjeçarja ka publikuar imazhe të reja në llogarinë e saj në Instagram ku ndiqet nga më shumë se 88 milionë ndjekës, duke treguar se pas Shqipërisë, radhën e ka Greqia.

Këngëtarja ka zbuluar në në këto pushime po shoqërohet nga partneri i saj, regjisori francez Romain Gavaras.

Në kolazhin e fotove, Dua shihet në veshje dhe bikini të ndryshme, teksa shijonte kohën me diell në një anije në mes të oqeanit bashkë me të dashurin e saj.

Artistja aktualisht po shijon suksesin me filmin “Barbie”, për të cilin ka realizuar kolonën zanore “Dance The Night”, dhe gjithashtu bën një paraqitje të shkurtër.

Dua përndryshe së fundmi u nominua në dy kategori në “MTV Video Music Awards 2023”, për ‘Këngën më të mirë pop’ për “Dance The Night” si dhe për ‘Këngën me koreografinë më të mirë’, e cila u realizua nga Charm La’Donna.