Aktorja e humorit Rudina Dembacaj ka treguar vështirësitë me të cilat është përballur në fillim të lidhjes së saj me ish-deputetin Mark Frroku. Ajo nuk hezitoi të tregonte gjatë një bisede me ndjekësit se cilin nga vjehrrit që ka patur deri tani, do më shumë.
Rudina Dembacaj tregoi se është babai i Mark Frrokut, të cilin e do më shumë, ndërsa sa i përket vjehrrës tha se “kam dashur një tjetër, por nuk e them dot se kë.”
Aktorja tregoi se në fillimet e marrëdhënies me ish deputetin “përveçse fëmijët duhet të mësoheshin me një njeri të ri, duhet të duronim edhe presione idiote nga jashtë”. Por ajo theksoi se mori ‘masa’ ekstreme.
Më shumë do vjehrrin apo vjehrrën?
Vjehrrin normal, nga të gjithë vjehrrit që kam pasur në jetë, Peng Frrokun e dua më shumë. Nga vjehrrat kam dashur një tjetër, por nuk e them dot cilën.
Po si të mos jetë? Ama s’më ka bezdisur kurrë me xhelozi.
Çfarë marrëdhënie ke me vjehrrën?
Është e moshuar, Marku kujdeset shumë për të dhe të atin, gjithashtu edhe unë, me gjërat që ju duhen. Djalin e vjehrrës e bëj shumë të lumtur.
Është grua me fat që më ka nuse.
Ç’do të thotë të jesh e dashuruar me një burrë që ka fëmijë?
Do të thotë që nga 1 fëmijë ke 4. Unë nuk e kam sa për Instagram, nuk bëj si e mirë nëse vërtet nuk jam e tillë.
Unë ndihem e bekuar. Fillimi ishte i vështirë, sepse përveç fëmijët duhet të mësoheshin me një njeri të ri, duhet të duronim edhe presione idiote nga jashtë.
Falë Zotit, me këtë rast, si unë edhe Marku, njohëm shpirtin e vërtetë të shumë njerëzve.
Unë si ekstremiste që jam, kam marrë ‘masa’ ekstreme. Marku ka më shumë durim, fal më shumë. Unë nuk i quaj dot fëmijët e Markut, sepse janë fëmijët e mi. Unë bëhem “kamikaze” për ta, siç bëhem për Vikin. Kur je nënë, e di çfarë do të thotë të kesh fëmijë.”
Discussion about this post