PE mbështet kërkesën e Vjosa Osmanit për liberalizimin e vizave: Është ditë historike!

Presidentja e Parlamentit Evropian, Roberta Metsola ka thënë se sot duhet të fillojnë negociatat e anëtarësimit për Shqipërinë dhe Maqedoninë e Veriut, teksa u ndal veçanërisht edhe tek liberalizimi i vizave për Kosovën

Në Bruksel ku po mbahet samiti i BE, Metsola tha se Ballkani Perëndimor duhet të gjejë vendin e tij në shtëpinë evropiane.

“Është një ditë historike. Sot është dita kur ne duhet të fillojmë realisht negociatat e anëtarësimit për Shqipërinë dhe Maqedoninë e Veriut dhe duhet të fillojmë realisht të flasim për të garantuar liberalizimin e vizave për Kosovën. Ballkani Perëndimor duhet të gjejë vendin e tij në shtëpinë evropiane. Sot është dita kur zgjerimi duhet të përdoret në kohë lufte,” shtoi ai.

Ndërkohë, presidentja e Kosovës bëri gjithashtu thirrje për liberalizimin e vizave, duke kërkuar mbështetjen e shteteve anëtare, që të japin një mesazh të qartë sot.