11 burra, të cilët torturuan dhe përdhunuan në grup 17-vjeçaren marokene për 2 muaj me radhe, janë dënuar secili me 20 vite burg. Khadija Okkarou u rrëmbye dhe iu shit grupit të cilët e përdhunuan dhe i bënë tatuazhe me forcë, përpara se ta kthenin mbrapsht në shtëpinë e saj.
Rasti shkaktoi zemërim të madh të njerëzve në të gjithë botën, pasi një video e postuar në rrjet në vitin 2018, tregonte dhunën ekstreme që kishte përjetuar adoleshentja. Në video dukeshin duart, këmbët dhe qafa e saj të mbuluara në tatuazhe dhe të djegura cigaresh.
Avokati i Okkarou, Ibrahim Hachane, tha se dhoma penale e gjykatës së apelit në qytetin qendror të Beni Melal i shpalli të akuzuarit fajtorë për akuza të ndryshme duke përfshirë përdhunimin, rrëmbimin dhe burgosjen me forcë.
Adoleshentja tha se dy burra e rrëmbyen atë me thikë kur ajo po vizitonte tezen e saj gjatë muajit të shenjtë maj-qershor të Ramazanit, para se ta shiste atë tek burrat e tjerë në këmbim të parave ose drogës. Ajo tha se rrëmbyesit e saj i dhanë drogë për ditë me radhë.
Rrëfimi i tmerrshëm ka ndezur thirrjet për t’i dhënë fund një kulture që mbyll sytë nga sulmet seksuale dhe dhunës kundër grave, me afro 75,000 njerëz që nënshkruan një peticion përfshirë këtu dhjetëra intelektualë marokenë, që kërkon veprim të menjëhershëm. Në një artikull të titulluar “Ne të gjithë jemi Khadija”, autori dhe regjisori maroken Abdellah Taïa, kritikoi atë që ai e quajti kulturë e përdhunimit në Marok dhe i bëri thirrje qeverisë dhe mbretit Mohammed VI të ndërhyjë.
