Kryeministri Edi Rama, është larguar nga ambjentet e Kryeministrisë, pas përfundimit të mbledhjes së Këshillit të Ministrave, të mbajtur paraditen e kësaj të premte.
Pas mbylljes së mbledhjes së Këshillit të Ministrave, ministrat e tjerë janë larguar nga Kryeministria. Në godinë kanë mbetur vetëm Rama dhe Balluku, e cila nuk është paraqitur në mbledhjen e Këshillit të Mandateve, duke u përfaqësuar aty përmes avokatit të saj.
Por, pas 1 ore bisedimesh, Rama është parë të futet në makinën e tij dhe është larguar nga ambjentet e institucionit qeveritar, ndërkohë që aty vijon të jetë ‘e ngujuar’ Belinda Balluku.
ZV/kryeministrja është paraqitur në Kryeministri mëngjesin e sotëm (rreth orë 10:30) dhe ende nuk ka dalë prej andej, pavarësisht se në Kryesinë e Kuvendit po zhvillohet mbledhja e Këshillit të Mandateve për shqyrtimin e kërkesës së SPAK, i cili kërkon heqjen e imunitetit dhe arrestimin e saj.
Discussion about this post