Policia Sarandë ka vënë në pranga një 26-vjeçari në Sarandë. Mësohet se një qytetare ka denoncuar rastin ku i kishin marrë me dhunë një aparat celular në mes të qytetit të Sarandës dhe menjëherë në vendngjarje kanë shkuar shërbimet e Policisë, të cilët kanë bërë të mundur identifikimin dhe kapjen e autorit të dyshuar të ngjarjes.
Bëhet me dije se aparati celular i është kthyer menjëherë denoncueses dhe ka shoqëruar për në komisariat të arrestuarin.
Ndërsa, materialet do i kalojnë Prokurorisë pranë Gjykatës së Shkallës së Parë Sarandë për veprime të mëtejshme.
