Përplasi 2 makina pasi ishte i dehur, arrestohet shoferi i autoambulancës në Shkodër

Shoferi i një autoambulance në qytetin e Shkodrës është arrestuar këtë të enjte nga policia pasi aksidentoi mjetin nën efektin e alkoolit.

Në njoftimin e policisë thuhet se 45-vjeçari i identifikuar me iniciale P.M.,  humbi kontrollin dhe për pasojë është përplasur me dy mjete të tjera, duke shkaktuar vetëm dëme materiale.

Mësohet se gjatë kryerjes së alkooltesit, drejtuesi i autoambulancës rezultoi në gjendje të dehur, në masën 0.95 mg/l.

Materialet i kaluan Prokurorisë, për veprime të mëtejshme procedurale, për veprën penale “Drejtimi i automjetit në mënyrë të parregullt”.