Sekretari i Përgjithshëm i PD-së, Gazment Bardhi ka replikuar sërish me kryetaren e LSI-së Monika Kryemadhi për çështjen e koalicioneve për zgjedhjet e 25 Prillit, ku dy partitë garuan me lista të ndara.
Ditëm e enjte Bardhi tha se PD i ofroi 15 mandate të sigurta LSI-së, por kjo e fundit tha se 34 i siguronte e vetme duke mos pranuar që të futeshin në zgjedhje me një listë të vetme, ndërsa Kryemadhi e cilësoi si mashtrues pervers.
Kryemadhi e pyeti Bardhin se kur është mbledhur kryesia e PD për t’i propozuar LSI-së listën e përbashkët, ndërsa Bardhi tha se qëndrimi i LSI ka qenë konstant për lista të ndara.
“Kryesia nuk është mbledhur sepse nuk ka pasur një dakordësi nga kryetarja e LSI-së për të pasur mundësi t’i propozohej Kryesisë një listë të përbashkët. Qëndrimi konstant i LSI-së ka qenë që duhet të dilnim në dy lista, pavarësisht qëndrimit tonë për një listë. Qëndrimi krejt normal sipas vlerësimit të tyre ishte se do të maksimalizonin votat me dy lista. LSI tha se me ndryshimet e njëanshme të Kodit përfitonte sepse nga 19 mandate në 2017 do të merrte më shumë se 40 mandate nga ndryshimet e njëanshme kushtetuese që bëri Edi Rama. Në fakt ato ndryshime të njëanshme të Ramës ishin një dhunim flagrant. Ka një deklaratë të pakuptimtë të kryetares së LSI-së,” tha ai.
Ndërsa, akuzave të ish-kandidates së LSI-së në Durrës, Elona Guri se Bardhi nuk pranoi që të bënte një konferencë kundër Suel Çelës gjatë periudhës së fushatës në Elbasan, Bardhi iu përgjigj duke thënë se LSI humbi sepse nuk bëri fushatë asnjë ditë të vetme në Elbasan.
Discussion about this post