Në kohën kur kryeministri i Kosovës, Albin Kurti, po fliste në foltoren e Kuvendit të enjten për situatën në veri dhe marrëveshjen me Bashkimin Evropian për de-eskalimin e situatës, një përleshje fizike ndodhi mes deputetëve të PDK-së dhe ministrave të qeverisë Kurti.
Deputetët Sali Zhyba dhe Reshat Qalaj mësohet se janë përleshur fizikisht me njëri-tjetrin.
E gjitha kjo erdhi pas kritikave, akuzave për përfshirjen e shefes së LVV-së në audio-incizime me Sllavko Simiç nga Lista Serbe.
Sot, në Kuvendin e Kosovës sërish kanë ndodhur përplasje midis deputetëve të Partisë Demokratike të Kosovës në opozitë, dhe të partisë në pushtet, Lëvizjes Vetëvendosje.
Opozita po tenton që të parandalojnë mbajtjen e seancës së jashtëzakonshme që u thirr nga 41 deputetë.
Ata fillimisht bllokuan foltoren, teksa Kuvendi miratoi në lexim të dytë Projektligjin për çmimet e produkteve medicinale. Pas votimit, pati shtyrje mes deputetëve të mbledhur pranë foltores.
Tek foltorja e kuvendit, të cilën e kanë bllokuar deputetët e PDK-së është krijuar rrëmujë, ku kryetari i kuvendit, Glauk Konjufca, ka thirrur sigurimin.
Ndërsa, ka pasur edhe sulme ndaj kryetarit të kuvendit, Glauk Konjufca, i cili u gjuajt me shishe uji. Edhe Prokuroria ka nisur hetime për sherrin sot në parlament.
Discussion about this post