Politikani Arstit Patozi ka komentuar mesditën e sotme përplasjet e Bashës dhe Berishës. Përmes një postimi në Facebook ai bën një paralelizëm të situatës në PD me konfliktet e pronësisë në Shqipëri.
Sipas tij, Berisha po kërkon t’i rikthehet ajo që mendon se i takon, ndërsa Basha i trembur mban me forcë të shtrënguar dokumentet e pronësisë. Patozi thotë se Berisha e ka drejtuar gjithmonë PD, por dokumentet ligjore i mban Basha, prandaj për t’i përfituar ato, ish-kryeministri duhet të kalojë dhe shumë pengesa që i vijnë nga Rama.
“Doktori shpreson tek legalizimi, ndërsa Luli po shtrëngon letrat
Kjo lufta e ashpër e Lulit me doktorin është bërë njësoj si ato konfliktet e zakonshme të pronësisë në Shqipëri. Kur njëra nga palët mbështetet tek ligji i Urbanistikës, kurse tjetra i ka varur shpresat tek legalizimi.
Berisha natyrisht që i përket kategorisë së dytë, sepse Partinë Demokratike me letra e ka Luli. Ndaj edhe që të ketë ndonjë shans për të fituar duhet të kapërcejë shumë pengesa.
Sepse në fillim duhet ta realizojë godinën pa leje nën hundën e policisë ndërtimore të Ramës, për ta bërë fakt të kryer, që t’i lindë e drejta për ta futur në legalizim”’ shkruan ai.
Mes ironie, Patozi shkruan se në fund fare fatin e kësaj cështjeje do ta vendos Amerika.
E.H/ gijotina.com/
