Persona të paidentifikuar dyshohet se kanë tentuar të bastisin magazinën në përdorim nga Bashkia e Kolonjës.
Ngjarja është konstatuar nga punonjësi i institucionit në porët e para të mëngjesit dhe e denoncoi në Komisariat.
Burime zyrtare nga policia lokale bënë me dije se bashkë me Prokurorinë po verifikojnë dinamikën dhe për të zbuluar autorësinë. Dyshimet janë për një tentativë bastisjeje.
“Shërbimet e Komisariatit të Policisë Kolonjë referuan materialet në Prokurori, për vlerësim, pasi ka kallëzuar shtetasi P. K., 28 vjeç, banues në Kolonjë, punonjës i bashkisë Kolonjë, se ka konstatuar të hapur derën e një magazine në pronësi të bashkisë”, thuhet në njoftimin zyrtar.
Nuk ka informacione për dëme të shkaktuara apo vjedhje të konsumuar në ambiente, por as për materialet që ndodheshin brenda godinës.
Discussion about this post