Plagosën me thikë 33 vjeçarin në Vlorë, në pranga 2 vëllezërit

Një konflikt i çastit për motive të dobëta, ka qenë shkak i një konflikti mes të rinjve në Vlorë, ku për pasojë një 33 vjçar mbeti i plagosur me thikë.

Ngjarja u shënua mesditën e sotme në lagjen “Partizani”, ndërsa policia tha se ka vënë në pranga dy autorët e dyshuar, vëllezër.

“Si rezultat i veprimeve të shpejta, janë kapur dhe shoqëruar në Komisariat, 2 autorët e dyshuar, vëllezër, të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin Olsen Refati., 33 vjeç, banues në Vlorë.” Thuhet në njoftimin e policisë.

33-vjecari Refati është dërguar me urgjencë në spital, ku mësohet të jetë jashtë rrezikut për jetën.