Plagosja e ish-zyrtarit Ujka në Shkodër, ja pistat e hetimit, sekuestrohen kamerat e sigurisë

Dy janë pistat ku po hetohet atentati me armë zjarri ndaj ish-zyrtari Pashko Ujka, mbrëmjen e sotme në qendër të Shkodrës.

Hetimet, për plagosjen me armë zjarri të ish- kryetarit të komunës në Velipojë, janë përqendruar jo vetëm me funksionin e tij si ish-kryetar i Komunës së Velipojës, por edhe si ndërtues, nisur nga fakti se ai është ndërtues i disa pallateve në qytetin e Shkodrës vitet e fundit.

Ndërkohë janë sekuestruar kamerat e sigurisë të bizneseve dhe banesave përreth që mund të ndihmojnë në zbardhjen e ngjarjes dhe kapjen e autorëve.

Atentati i tretë

Plagosja me armë zjarri e ish-kryetarit të komunës Velipojë, Pashko Ujka mbrëmjen e sotme në qendër të Shkodrës, është paralajmërimi i tretë që i bëhet zyrtarit pasi edhe më herët është tentuar të vritet.

Burime për gijotina.com bëjnë me dije se zyrtari është qëlluar me armë tip silenciator pranë banesës së tij çka shton dyshimet se për tentativë vrasje.

Më konkretisht, ngjarja ka ndodhur në një lulishte pranë Kishës Ortodokse ku ai ka qenë duke ecur. Ujka është plagosur në shtyllën kurrizore ndërkohë që është transportuar në spital.