Policia e Lezhës ka zbuluar apartamentin e Edmir Vlashit, bashkëpunëtorit të çiftit Nikoll Marku dhe Marie Marku që tentuan vrasjen e Preng Palucës.
Në apartamentin e sekuestruar, policia ka gjetur armë zjarri, leje drejtimi dhe dokumente të tjera të lëshuara nga një shtet tjetër.
Gjatë operacionit “Mataro”, u vu në pranga çifti Nikoll Marku, 62 vjeç dhe Marie Marku, 60 vjeçe, të dy banues në lagjen “Varosh”, Lezhë. Gjithashtu u shpall në kërkim Edmir Vlashi, 31 vjeç dhe Hektor Ndoka 31 vjeç, persona me precedentë të theksuar kriminal dhe rrezikshmëri të lartë shoqërore, të dyshuar për disa ngjarje të rënda kriminale në fushën e krimeve kundër jetës dhe pronës.
Këta persona akuzohen se planifikuan vrasjen e Preng Palucës, ngjarje e cila u parandalua nga policia. Paluca u planifikua të eleminohej përmes minave të telekomanduara. Ndërkohë e gjithë skema ishte ndërtuar nga Hektor Sadiku, Edmir Vlashi dhe Mark Lamkja, të cilët kanë planifikuar situatën e ekzekutimit të shenjestrës së tyre në lokalin e vjehërrve të tyre, Nikoll dhe Marie Marku.
Ndër të tjera u sekuestruan arsenal me armë, municion, mina me telekomandë, një sasi e konsiderueshme eurosh e përfituar nga veprimtaria kriminale dhe sende të tjera të kundërligjshme.
Discussion about this post