Trajneri i PSG, Mauricio Poçetino ka theksuar se nuk e mendonte kurre që do të kishte nën urdhrat e tij Lionel Messin. Argjentinasi e bëri këtë deklaratë në vigjilje të ndeshjes me Klub Bryzh në ligën e kampionëve.
“Nuk mendoja se do të ishte e mundur dhe në momentin kur një okazion i tillë shfaqet, çdo gjë shkon me shumë shpejtësi dhe nuk arrin ta kuptosh menjëherë çfarë po ndodh. Megjithatë, mes nesh ka një lidhje, jemi të dy argjentinas, të dy nga Rosario dhe të dy tifozë me Njuells. E kam admiruar për një kohë të gjatë kur jam përballur me të si kundërshtar, ndaj tani ta kem në stërvitje me ne është shumë e këndshme. Shpresojmë që së bashku, të jemi në gjendje që të arrijmë atë që klubi dëshiron.
Unë mund të mos jem personi më i përshtatshëm për ta përshkruar, ka shumë më tepër njerëz të cilët kanë një fjalor më të zgjeruar për të përshkruar Mesin më afër realitetit që ai meriton. Por ai do të cilësohet gjithmonë ndër më të mirët në botë. Që kur ka mbërritur te ne, është përshtatur shumë shpejt dhe po stërvitet mirë, duke u munduar që të arrijë formën më të mirë në mënyrë që të konkurrojë në maksimumin e kapacitetit të tij:”, tha Poçetino.
