7 persona kanë rënë në prangat e Policisë së Tiranës ditën e sotme. Sipas të dhënave, është arrestuar në flagrancë të shtetasit E. Sh, 32 vjeç, pasi në dalje të Kamzës, i cili po transportonte me mjetin e tij 4 emigrantë të parregullt. Mësohet se i kishte marrë emigrantët në Pogradec me destinacion Shkodër, me qëllim kalimin për në Malin e Zi me destinacion përfundimtar Italinë. Në cilësinë e provës materiale u sekuestrua mjeti dhe një aparat celular.
Në vijim të punës, policia ka arrestuar shtetasin në kërkim E. R, 53 vjeç, pasi Gjykata e Shkallës Parë Tiranë, ka caktuar masën e sigurisë “Arrest me burg”. Për veprën penale “Prodhimi dhe shitja e narkotikëve”.
Gjithashtu është vënë në pranga një 26-vjecar, i cili është dënuar nga gjykata me dy muaj burg për vjedhje dhe prej disa javësh ishte shpallur në kërkim.
Mësohet se është bërë e mundur arrestimi i shtetasit I. N, 30 vjeç, gjithashtu i shpallur në kërkim nga Komisariati i Policisë Librazhd, për veprën penale “Plagosje e lehte me dashje”. Ndërsa një 46-vjecar është arretsuar për shkak se kanosi me thikë shtetasin B. B. Po për të njëjtën arsye i janë vënë prangat një 32 vjeçi dhe një 18- vjeçar sepse në rrugën “Bab Rexha”, në bashkëpunim me njeri-tjetrin, kanë goditur me sende të forta shtetasin A. T, 36 vjeç, i cili ndodhet në spital, jashtë rrezikut për jetën.
Bëhet me dije se, të arrestuarit janë dërguar në komisariat si dhe kanë nisur hetimet për të zbuluar detajet rreth këtyre ngjarjeve.
