Nuk jeni vetëm”, “lironi shqipet”, “Arrestoni Ramën”, janë thirrjet e qytetarëve të cilët e kanë zhvendosur protestës para ambienteve të komisariatit 1.
Pas daljes nga ambientet e policisë, Kola tha se shoqërimi i tij erdhi ndërsa po bënte thirrjet e zakonshme të protestës.
“Thjesht po bëja thirrjet tona të zakonshme. Thirrjet ishin: ‘Ju me gaz, ne me vezë’, ‘Edi Rama i pabesë’. Si duket u bënë xhelozë”, u shpreh ai.
Sipas Kolës, efektivët nuk i dhanë një shpjegim konkret për shoqërimin.
“Nuk thanë asgjë. ‘Pse ke dalë, ligji ky e ligji ai’, siç janë akuzat që policia përdor për të shantazhuar protestuesit. Nuk u ushtrua presion”, deklaroi ai.
Kujtojmë se që në orët e para të mëngjesit, qytetarët rrethuan Kuvendit. Ndërsa seanca plenare nisi në orën 10:00, organizimi i protestuesve u bë që në orën 08:30.
Ditën e sotme u vu re një prezencë e shtuar e policisë të cilët kishin vendosur perimetër sigurie për të mos lejuar protestuesit të afroheshin në ambientet e Kuvendit, për të shmangur tensionet në momentin që deputetët do të hynin në Kuvend.
Megjithatë pavarësisht kësaj, pati edhe tensione dhe momente kaotike mes protestuesve dhe policisë.
Discussion about this post