Gati 1500 shofer ka gjobitur brenda 1 jave Policia Rrugore në Durrës. Rrugorja njofton se shoferët vazhdojnë të jenë të pabindur dhe nuk respektojnë rregullat e qarkullimit për këtë arsye janë arrestuar 13 drejtues mjetesh, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Gjithashtu, janë pezulluar 34 leje drejtimi, nga të cilat: 23 janë për drejtim mjeti nën ndikimin e alkoolit dhe 11 për drejtim mjeti mbi shpejtësinë e lejuar.
Ndër të tjera bëhet me dije se janë vënë 56 gjoba për shpejtësi mbi normën e lejuar; 400 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit; 9 masa për mungesë të siguracionit të mjetit. Ndërsa 374 gjoba janë vënë për shkelje të rregullave të tjera të Kodit Rrugor.
Discussion about this post