Presidenti i Serbisë, Aleksandar Vuçiç sulmoi Australinë ditën e sotme, pas deportimit të tenisit Novak Gjokoviç. Vuçiç tha se autoritetet australiane ‘ngacmuan’ tenistin më të mirë në botë për 11 ditë për t’i dhënë atij vendimin që morën në ditën e parë.
“Ata mendojnë se ky ngacmim e poshtëroi Gjokoviçin, por ata në fakt poshtëruan veten,” tha ai.
Vuçiç tha se Gjokoviç do të kishte rishqyrtuar vendimin e tij për të konkurruar në Australian Open ose mund të kishte marrë vaksinën, nëse autoritetet australiane do të kishin sqaruar se njerëzit e pavaksinuar nuk mund të hyjnë në vend. Komentet e tij erdhën disa orë pasi një trup gjykues federal prej tre gjyqtarësh refuzoi unanimisht apelin e Gjokoviç kundër anulimit të vizës së tij.
Vuçiç akuzoi kryeministrin australian Scott Morrison se “luan politikë” përpara zgjedhjeve të ardhshme federale të vendit.
Ai gjithashtu kritikoi prokurorët australianë për “gënjeshtra” në seancat gjyqësore të Gjokoviçit, veçanërisht për numrat e vaksinimit të Serbisë kundër Covid-19.
“Ju e keni parë në procesin gjyqësor më të pakuptimtë se sa shumë gënjen prokurori. Ata thjesht gënjyen. Ata thonë se më pak se 50% e qytetarëve të Serbisë janë të vaksinuar, kur shifra zyrtare është 58%, që është më shumë se shumë vende të Bashkimit Evropian”, tha ai.
Vuçiq shtoi se Gjokoviç mund të kthehet në vendin e tij me kokën lart. Kryeministrja e Serbisë Ana Brnabiç u bëri jehonë ndjenjave të presidentit teksa denoncoi vendimin “skandaloz” të Australisë për të dëbuar Gjokoviçin.
“Më duket e pabesueshme që kemi dy vendime gjyqësore krejtësisht kontradiktore brenda harkut kohor prej vetëm disa ditësh,” tha Brnabic, duke shtuar se Gjokoviç kishte duruar dëmtime fizike dhe psikologjike gjatë sagës. Jam e zhgënjyer… Mendoj se tregoi se si funksionon shteti i së drejtës, ose më mirë të them se nuk funksionon, në disa vende të tjera. Në çdo rast, mezi pres të shoh Novak Gjokoviçin në vendin tonë, në Serbi.”
Gjokoviç, lojtari më i mirë i tenisit për meshkuj, kishte marrë një përjashtim mjekësor nga autoritetet australiane për të udhëtuar në vend për të mbrojtur titullin e tij në Australian Open dhe për të ndjekur një fitore rekord të 21-të Grand Slam. Megjithatë, ai u ndalua nga autoritetet e imigracionit kur mbërriti në Melburn më 6 janar. Ai paraqiti një apel kundër masës dhe një gjykatë urdhëroi lirimin e tij më 10 janar, por atleti serb u ndalua sërish të shtunën, pasi Ministri i Emigracionit i Australisë, Alex Haëke përdori kompetencat diskrecionale për të anuluar vizën e tij.
Discussion about this post