Prej disa ditësh moderatorja Bora Zemani ka munguar në emisionin që ajo drejton. Ajo ka njoftuar se shkak për këtë është bërë gjendja e saj e keqe shëndetësore.
Para disa ditësh ajo publikojë një story në Instagram, ku tregonte se gjendja e saj ishte drejt përmirësimit dhe se mund të rikthehet shpejt në ekran.
“Unë kam qenë shumë sëmurë gjatë këtyre ditëve, me temperaturë të lartë, deri në dyzet, por ka nisur përmirësimi dhe shpresoj të jem sa më shpejt në Për’puthen. Ju falënderoj shumë për mesazhet dhe kujdesuni për veten se çfarë nuk po qarkullojnë këto kohë. Ju puth fortë, kështu nga larg që të mos ju ngjis ndonjë gjë”- ka treguar Bora në një postim në Instagram.
Ndërkaq, duket se lajme të mira vijnë nga moderatorja ditën e sotme. Ka qenë pikërisht, autorja e emisionit “Përputhen”, Olsa Muhameti, e cila ka njoftuar rikthimin e saj.
Kjo e fundit ka publikuar në rrjete sociale një foto të Zemanit gjatë xhirimeve, krahas së cilës ka shkruar: “Na mori malli”.
Discussion about this post