Prishja e pazareve të drogës, 4 grekë dhunojnë 17-vjeçarin shqiptar

Një adoleshent shqiptar është dhunuar dhe kërcënuar me armë nga 4 shtetas grekë, të cilët janë arrestuar nga policia.

Dyshimet janë se incidenti ka ndodhur për shkak të prishjes së pazareve të drogës.

Sipas raportimeve. Në mesditën e 18 shtatorit, në zonën e Thermit në Selanik, 4 shtetas grekë kanë sulmuar fizikisht një 17-vjeçar shqiptar, të cilin më pas e kanë kërcënuar me armë.

Grekët kanë kërkuar pagesën e një shume të parash, si shlyerje pas një transaksioni të mëparshëm droge që kanë pasur.

Pas arrestimit të personave të përfshirë në këtë rast, u kryen kontrolle banesash , ku u gjetën dhe u sekuestruan veshje që kishin dy prej tyre në vendngjarje, 2 pistoleta me ajër me aksesorët e tyre, 8 thika, 2 shufra metalike të palosshme, pako të improvizuara me kanabis me peshë totale 187.6 gram, 2 rende kanabis, 3 peshore elektronike precize, sprajt piper etj.

Ndërkohë i riu shqiptar ndodhet në spital ku po merr trajtim mjekësor, dhe raportohet se është jashtë rrezikut për jetën.