Protesta e zhvilluar pasditen e sotme përpara sheshit Nënë Tereza, ka solidarizuar qindra qytetarë me ngjarjen e rëndë në Prishtinë, ku një 11-vjeçare u përdhunua nga 5 persona. Madje ,ky organizim ka bërë bashkë shumë të famshëm në sheshin Nënë Tereza, që në përditshmëri kanë përplasje dhe inate me njeri-tjetrin. Mes qytetarëve të shumtë që kanë dalë për të kërkuar drejtësi për të miturën që u përdhunua për 7 orë nga 5 persona, janë edhe Bora Zemani e Beatrix Ramosaj. Teksa kanë qëndruar larg njëra-tjetrës, si Bora si Beatrix kanë dalë për t’u solidarizuar me ngjarjen e rëndë që tronditi Kosovën tre ditë më parë. Trixa ka qenë në rreshtin e parë pranë emrave të tjerë si Fifi, Monika Lubonja dhe shumë të famshëm. Ndërsa Bora, ka qenë e shoqëruar nga mamaja e saj dhe mikesha e ngushtë, Semi Jaupaj.
Kujtojmë se, ngjarja e rëndë ka ndodhur në Dragodan të Prishtinës më 27 gusht, ku 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Fillimisht janë arrestuar 4 nga 5 autorët e dyshuar të ngjarjes ndërkohë që i pesti u dorëzua në polici pas 3 ditësh.
Discussion about this post