Përfaqësuesi ligjor i njërit prej të arrestuarve, Niko Qarkaj, Gentian Serjani ka bërë një denoncim të forte, ku tha se klienti i tij është dhunuar nga policia dhe nuk i është dhënë ndihma teksa ka pasur kriza epilepsie.
Ai tha se klienti i tij që nga momenti i arrestimit është në grevë urie.
Serjani tha se është njoftuar Avokati i Popullit dhe KShH, por ende s’ka asnjë përgjigje.
“Niko Qarkajn e kanë kapur tre herë krizat dhe ngaqë nuk është i vetëdijshëm, është dhunuar dhe nuk është ndihmuar për ta kaluar.
Më tregoi kanatjeren e gjakosur. I kemi bërë kërkesë prokurorisë, sepe personi s’duhet të mbahet në arrest në burg, por s’kemi marrë një përgjigje.
Është në grevë urie për shkak të padrejtësisë që i është bërë, sepse u shoqërua sapo u fut në lokal.
Është shoqëruar me ambulancë, por nuk mban mend asgjë, vetëm që është kërcënuar dhe dhunuar nga patrulla.
Kemi njoftuar Avokatin e Popullit, do të njoftojmë edhe Komitetin Shqiptar të Helsinkit, por s’kemi asnjë përgjigje.
Do të qëndroj për të parë situatën shëndetësore për Nikon.
Për tjetrin gjithçka është në rregull”, tha ai.
Deri më tani nuk ka një reagim zyrtar nga Policia e Shtetit apo autoritetet përgjegjëse lidhur me këto pretendime dhe as informacion zyrtar mbi gjendjen e tij.
Discussion about this post